آيفون 17: بطارية بزيادة طفيفة وكفاءة مذهلة تمنحك يوم كامل من الاستخدام
Sep 30, 2025, 5:06 PM
أبل السنة دي مع آيفون 17 قدمت ترقية بسيطة جدًا في البطارية مقارنة بالـ آيفون 16. الزيادة في السعة حوالي 3% فقط، وناس كتير شايفة إن الرقم ده مش كبير، خصوصًا إن أبل زودت تقنيات زي الـ ProMotion وكمان رفعت سطوع الشاشة لأكتر من 3000 nits، فده خلّى البعض يتساءل: “هل البطارية هتخلص أسرع؟ وهل فعلًا أداءها أقل من النسخ اللي قبل؟”
الواقع إن أبل ما ركزتش بس على حجم البطارية، لكن ركزت على كفاءة الجهاز نفسه. المعالج الجديد A19 بيوفر استهلاك الطاقة بشكل ملحوظ، وده مش مجرد كلام تسويقي زي كل سنة، لكن فعليًا واضح في الاستخدام اليومي.
ولو تبص على المقارنات بين سلسلة الآيفون 17 كلها (Air – Pro – Pro Max) مع آيفون 16 برو ماكس، هتلاحظ إن الأداء متقارب جدًا، لدرجة إن الآيفون 17 العادي النهاردة بيديك تجربة بطارية شبه اللي كانت موجودة في برو ماكس السنة اللي فاتت. وده في حد ذاته يعتبر تقدم مهم.
الخلاصة: أبل ضمنت إن الآيفون 17 يديك يوم كامل استخدام من غير قلق، بشحنة واحدة في اليوم تكفي، وده راجع بشكل كبير لتحسينات المعالج والـ software optimization، مش بس حجم البطارية.