مش البرو ولا الـAir… الآيفون 17 العادي سرق الأضواء

كلنا شايفين الدوشة اللي قامت مع نزول سلسلة آيفون 17 في سبتمبر. الناس فرحانة بالألوان الجديدة، وناس تانية بتقول “فين الأسود الكلاسيكي؟”. وأبل فاجأت الكل بآيفون جديد اسمه آيفون 17 Air.

بس استنى كده… الموضوع مش كله وردي. فيه حاجات تبسطك جدًا، وفيه حاجات تخليك تقول: “هو ده بس؟”.

 

 

 

 

 أول حاجة: فين الإيجابيات؟

• البطارية بقت أحسن ملحوظ، خصوصًا في البرو.

• الكاميرات كلها 48 ميجابيكسل + 10x زوم .

• الشاشة في العادي وصلت 3000 نتز وأخيرًا 120Hz 

•بطارية آيفون 17 بقى شبه 16 برو ماكس بتاع السنة اللي فاتت… يعني قيمة مقابل سعر .

 

 بس استنى… فين السلبيات؟

• البرو والـAir بيتخربشوا بسرعة جدًا  والألوان مش عملية من غير جراب.

• آيفون Air: رفيع وشيك آه، بس بطارية ضعيفة + كاميرا واحدة + يتخدش بسرعة… وسعره ألف دولار! 

• البرو اتطور شوية، لكن مش النقلة اللي تخليك تسيب 14 برو أو 15 برو وتعمل Upgrade

طيب فين القيمة الفعلية في الموبايلات دي؟

 

بصراحة من وجهة نظري هو البطل الحقيقي في السلسلة دي، ليه؟

• الشاشة بقت 3000 نتز، وده معناه إنك تحت الشمس هتشوف كل حاجة واضحة جدًا.

• لأول مرة ينزل في النسخة العادية 120Hz. مش بنفس جودة البرو بالظبط، بس خطوة جامدة جدًا .

• الكاميرتين بقوا 48 ميجابيكسل، يعني الصور أوضح بكتير والتفاصيل بقت رهيبة.

• البطارية أداؤها بقى قريب جدًا من آيفون 16 برو ماكس (اللي كان ملك البطاريات السنة اللي فاتت)، والفرق أقل من ساعة في الاستخدام.

 

 وده يخلي العادي قريب جدًا من النسخة البريميوم اللي كانت بـ سعر أغلى السنة اللي فاتت. يعني بالعربي:

آيفون 17 العادي = قيمة محترمة جدًا مقابل السعر.

فلو انت عايز تجدد لنسخة برو وانت موبايلك اقل من IPhone 14 Pro

يعني من ايفون ١٣ برو وانت نازل تقدر تجيب النسخ البرو مفيش مشكلة معاك 

انما لونت ايفون ١٤ برو وطالع فمن وجهة نظري القيمة الفعلية في البرو الجديد هتكون في البطارية الجديدة 

 

انما ال ١٧ العادي هو فعليًا الموبايل الي بيقدم إمكانيات تستأهل تجدد ليها ابتداء من ايفون ١٥ وانت نازل